《Office違禁品系列:電腦椅》



電腦凳都算違禁品?無錯! 佢嘅攻擊力強、上癮度高,而且好多公司選用,堪稱office界嘅血滴子。人只要一坐上去,雙腳就會開始失控,好似鬼上身咁不停碌嚟碌去,最後引致一發不可收拾嘅災難性破壞。電腦凳屬於短程攻擊,佢嘅高速旋轉輪子,旋轉力度媲美老鼠樂園嘅咖啡杯, 破壞範圍只限於位置嘅四周,但係所造成嘅傷害與龍捲風無異 ,能夠喺短短幾分鐘將辦公室嘅牆壁、地板、儲物櫃摧殘到面目全非。如果俾成班同事用嚟玩真人版Mario Car,後果更加係不堪設想。上次就係有同事玩到煞唔切車,連人帶凳撞穿咗office道牆。佢而家瞓緊醫院,公司變危樓要焗住要搬走,但張凳仲轉緊。下次老細唔喺度嘅時候,大家千祈唔好學啦!


#撞到個牆花晒點搞 #老細都想玩埋一份 #office日常 #高度旋轉物 #電腦凳 #違禁品 #我討厭廣告