《Office違禁品系列:擴音器 》



每次喺巴士遇到啲鍾意大大聲煲劇、玩candy crush嘅阿嬸阿叔, 都想即刻爆窗dum佢出街。有無諗過,如果office都有一個咁樣嘅同事,究竟每日有幾痛苦呢?話說有同事最鍾意喺office 用speaker大大聲播歌 。speaker雖然唔會造成物理傷害,但係所造成嘅精神傷害完全係嚴重被underrated。前排有同事日日喺公司大大聲播《愛回家》,我以為戴咗耳機無事啦,點知返到屋企沖涼嘅時候,自己會無啦啦喺度唱「一雙手張開可抱擁……」唱咗成晚,以為瞓覺就可以stop到,點知一合埋眼,個腦又開始播「一雙手張開可抱擁……」嚇到我當堂醒晒,我係咁叫自己冷靜,點知個腦越播越多把聲,最後仲要變咗多聲部合唱團,搞到我成個月都瞓唔著,做嘢又專心唔到,好似俾人落咗降頭咁。同其他同事傾開,先知原來大家都因為呢件事搞到完全做唔到嘢。望住公司每個月業績跌到好似屙爛屎咁,而家老細仲話要開始裁員,請問我哋係咪應該集體向嗰位同事追討心理賠償呢?


#唔好再唱啦 #一首歌摧毀一間公司 #一雙手張開可抱擁 #office日常#擴音器 #聲波炮 #違禁品 #我討厭廣告