《Office違禁品系列:小背心 》



夏天熱屎辣辣,著小背心返工好正常姐!如果你咁諗,就真係錯晒啦。話說Office有個同事好鍾意著背心返工,人稱移動室溫干擾器。一開始大家都無乜嘢。慢慢,佢身邊嘅同事一個個搬走,直到無人肯坐佢隔離,佢終於忍唔住嘟晒嘴咁講:「著背心姐,都要俾人歧視!」其實大家係怕咗佢至真。小背心一出現,老細就會扮晒嘢問:「乜大家咁熱呀~」然後開到個冷氣行一行,搞到成間office好似進入咗冰河世紀咁,佢都係死都唔肯著返件外套,難為坐佢附近嘅同事,逼到個做開gym、有六舊腹肌嘅男同事要戴住個小兔兔毛毛耳罩先做到嘢,真係無人性!


#同事表示好嬲 #凍到連外賣阿姐都唔肯上嚟啦 #office日常 #小背心 #違禁品 #我討厭廣吿