《黑色美學》



次次著到成身黑色嘅時候,都會俾阿嫲話:「你成身黑色咁唔老黎㗎!」又或者係「著到咁黑,小心俾人以為係黑社會呀!」見到阿嫲咁單純,有時真係忍唔住笑。作為乖孫嘅我,當然係好理性咁同老友記解釋返啦:「阿嫲,《古惑仔》電影海報鄭伊健都著白色衫啦,而家仲邊有分㗎!」,然後喺心入面暗笑:「Fashion嘅野你識條鐵咩!」


講到黑色,點可以唔提有「黑色詩人」之稱嘅時裝設計師—山本耀司。佢曾經講過:「城市中存在太多色彩、太多修飾,我竟覺得是如此醜陋無比。」所以咁多年嚟,山本耀司一直係黑色中探索,用黑色為議題發聲,建立咗屬於佢嘅黑色美學,以黑色為時裝界帶嚟一場場革命。對呢位大師嚟講,黑色似乎已經唔係一種選擇,而係一種本能。


喺好多人眼中,黑色係有缺陷嘅顏色 。正如喺山本耀司心中,黑色係不完美嘅顏色, 但正正因為咁,黑色代表咗無限嘅可能。而歷史話被我哋聽,只有勇敢去擁抱更多嘅可能性, 先可以走得更遠。


#黑衫美學 #山本耀司 #黑衫人加油 #光譜崩壞了以直覺作答 #我討厭廣告

  • Facebook Basic Black
  • Black Instagram Icon