《透明人間》



    日本文具品牌Seed上個月出咗隻透明擦膠,唔單止喺日本火速爆紅,而且仲拎埋文具展大獎。但係身為一個懷舊撚,我都係鍾意原版多啲,一見到個熟悉嘅藍色包裝, 啲青春回憶就即刻返晒嚟!


    記得以前讀書嘅時候,大家都係用啲好原始嘅方法出貓,我哋嗰陣除咗同隔離位互炒、收埋張貓紙係櫃桶之外, 最經典嘅都係寫答案喺枱面。次次默書測驗前嗰個小息,大家都會搏晒老命咁抄晒啲vocab呀formula呀喺張枱度,有咁細得咁細,到老師行埋嚟嗰陣,就即刻用舊擦膠遮住佢,想當年我用呢個方法輕鬆pass咗唔少大大小小嘅默書。


    諗諗下如果透明擦膠早啲出現,學校想阻止學生出貓,只需一人派一舊,我估應該會多咗好多人腳踏實溫書。

    #歡迎大家開心些牙出貓攻略 #透明嘅係咪會擦得乾淨啲呢 #日本文具 #Radar #透明擦膠 #創意商品 #我討厭廣告