《鬼節OT怪談》



今日見到個同事面青青,周圍八卦完,先知原來佢撞咗嘢。話說農曆七月十五嗰日,佢一個人係公司開OT。平時佢做嘢都好快手㗎,但嗰日好似做極都做唔完咁。臨收工嗰陣,佢以為自己做晒嘢可以準時走,跟住一打開個mailbox,見到無啦啦多咗幾個e-mail。佢心諗可能係自己之前睇漏眼啦,點知過多幾個鐘,再check mailbox,又多咗幾個e-mail。佢開始feel到怪怪地,諗住log out 個e-mail眼不見為淨,點知去到熄電腦嗰下,電話又叮一聲,真係心都寒埋。望一望個鐘,仆街成9點啦喎,啲客有乜可能仲未收工?「 banner嗰度想改改個字型。」佢望住個whatsapp,腳底到頭頂起晒雞皮,心諗:唔L係呀?已經outline咗啦喎。佢越諗越覺得唔對路,明明改咗10次有多,上次都已經傾掂數,點解而家又話要改?突然間,佢餘光見到有隻影喺老細間房飄出嚟,即刻嚇到仆咗落地下,想爬起身但腳都軟埋,呢個時候有把低沉嘅聲音喺佢耳邊講:「辛苦晒啦,做埋先好走呀~」講到呢度,佢死都唔肯講之後發生咩事,但聽聞第二日同事返工嘅時候,見到佢大字型趴咗喺office門口。


#OT狗 #陰魂不散 #做極都做唔完 #OT到生命邊緣 #office靈異事件 #我討厭廣告

  • Facebook Basic Black
  • Black Instagram Icon