《置中強迫症》




    每個office入面,都總有一個有「強迫症」嘅同事。只要有小小唔滿意,佢都要改到完美為止。有追求係好事,不過同佢做嘢嘅人就慘啦,1mm佢都會同你撐到行,一張圖改咗成幾百次,佢都係會ban你。話說公司個 Art director對於置中嘅執著可以話係異於常人。佢連鍵盤嘅位置、凳嘅擺位、電腦桌面嘅file,都要全部 置中先得,簡直係強迫症末期。有一次佢行過鼻哥個位,突然間大叫:「唔置中呀!」鼻哥俾佢嚇到鼻涕都縮返晒入個鼻度,佢望住個Illustrator 上面張banner,望咗好耐都唔知邊度有問題。


    「唔係已經置中啦咩?」鼻哥問。


    Art director即刻擰晒頭、皺晒眉咁指住佢隻手指講:「唔係呀,呢度呀!」


    鼻哥望住自己隻手,唔知應該笑定喊好。


    #強迫症 #置中 #對唔住囉最多我去脫毛 #office日常 #忍唔住望下自己啲手毛 #我討厭廣告