《故事行銷=風水佬作故仔?》

#廣告必全4


成日同客講起故事行銷,佢哋都會問「故事喎,乜香港人會睇字㗎咩?」咁諗就錯晒啦!故事其實無處不在,平時同同事喺pantry 講八卦係故事,上連登睇啲post 都係故事,邊個話香港人唔睇故事呢?作為一種Content Marketing,故事營銷唔一定係長篇大論。無論係一篇文,定係一個標題都好,都可以做到故事營銷嘅效果——為產品附加心理價值。


咁咩係心理價值呢?好多人以為產品嘅價值同佢嘅功用成正比,咁樣諗就大錯特錯啦!好似最近喺台灣爆紅嘅星宇航空宣傳影片咁,成條片其實都係講緊安全守則嗰啲大路嘢, 但佢用咗星際旅行作為包裝,將飛機變成太空母艦,而乘客就變晒做唔同星球嘅人,平平無奇嘅飛行旅程即刻搖身一變成太空旅行。影片俾到觀眾嗰種新奇刺激嘅感覺,正正滿足咗大家對於未來科技嗰種幻想。


成功嘅故事行銷能夠為品牌賦予心理價值,利用「感動」、「發人深省」、「喜悅」等等有傳染力嘅感受,引起消費者情感或者價值觀上嘅共鳴,從而改變對消費者對產品嘅觀感,甚至係傳達品牌理念。長遠嚟講係建立brand loyalty,吸納品牌死忠嘅最佳方法!


#故事行銷 #內容行銷 #社群行銷 #數碼營銷 #socialmediamarketing #contentmarketing #digitalmarketing #我討厭廣告