《妳有幾 dry ?》



前兩日 lunch time 完返 office,我發現隔離個男同事係咁望住我,我一望返佢,佢又會扮望第二度。咁啱嗰日我搽咗新入手嘅豆沙色霧面唇膏,見佢平時成個毒撚咁,估唔到都幾識貨。

臨收工嘅時候,佢怕怕醜醜咁行埋嚟我個位,紅都面晒咁同我講:「咦你頭先食肉醬意粉呀?」我心諗佢又知嘅,肯定留意咗我好耐,就答佢:「係呀!樓下嗰間啲意粉幾唔錯㗎!」佢眼定定咁望住我個嘴,然後細細聲同我講:「你嗰度好dry喎!」我個心即刻小鹿亂撞,做咗咁多年人第一次俾人咁flirt法,都真係有啲不知所措。呢個時候,佢突然間講:「下次記得抹嘴啦!」跟住另轉身走咗。我完全唔知發生咩事,然後下意識摸一摸自己個嘴,點知上面全部都係一粒粒紅色死皮......


#唇部大旱災 #未到冬天已經好dry #奉勸大家搽唇膏記得打底 #曼秀雷敦 #潤唇膏 #我討厭廣告