《別讓廣告太「廣告」》

#廣告必全3


唔知大家平時睇Facebook、Youtube嘅時候,係咪慣咗見到廣告就skip呢?好多人成日講「做Social Media Marketing最緊要係同消費者溝通」但有無諗過,可能對方根本唔想同你溝通?


今時今日,品牌想喺social media立足,必須要有與時並進嘅mindset。如果品牌一路都擺出一副高高在上嘅姿態,只會令消費者對品牌產生距離感,導致品牌唔能夠真正深入民心。

喺社交媒體上,品牌要同消費者「做朋友」,就要學識捉摸消費者嘅心態,建構出親民嘅形象。其中一個最重要嘅元素,就係放低包袱,喺消費者面前展現出真實同人性化嘅一面。


最近SK-II推出嘅短片系列,摒棄咗一般美容大牌嘅離地美學,用輕鬆幽默嘅方式,顛覆以往美容品牌營銷嘅cliché。例如我哋平時見到嘅護膚品廣告中,靚女將水撥上塊面嗰種出水芙蓉嘅畫面,究竟實際上係咪真係咁呢?SK-II 嘅代言人渡邊直美喺其中一條短入面中示範俾大家睇,幻想同現實係有差距嘅。


比起喺studio打晒燈嘅名模,一個著住浴袍卸住妝同好姐妹傾護膚心得嘅肥妹仔,更能夠令觀眾代入。SK-II用Girls’s Talk嘅方式貫穿成條片,令大眾感受到品牌並唔係遙不可及嘅國際大牌,而係你隔離嗰個平平無奇嘅女仔都值得擁有嘅護膚密友,呢啲就係真真正正嘅貼地啦!


#拒絕離地 #建立屬於消費者嘅品牌 #內容行銷 #社群行銷 #數碼營銷 #socialmediamarketing #contentmarketing #digitalmarketing #我討厭廣告