《俾多啲指導佢哋,一齊分享煲劇嘅樂趣啦》



以前食飯嘅時候,大家都會坐定定喺度睇大台嘅處境劇。記得啱啱興智能手機嘅時候,除咗阿媽之外,個個食飯都掛住篤篤篤。有次見到我哋機不離手,佢即刻拍曬檯:「衰仔又掛住睇手機,講咗幾多次食飯要專心呀!」俾佢鬧一鬧,我條氣梗係唔順啦,即刻起晒槓:「你咪又係掛住睇師奶劇!」,心諗係咪只准州官放火,不許百姓點燈?佢話:「我邊有睇啫?開住個電視做背景音樂咋嘛!」後尾阿妹靜雞雞話我知,阿媽話佢唔開心,因為食飯無人同佢傾計。


聽完之後,我都知自己好衰仔,所以9秒9 join咗個收費電視plan,諗住今次孝感動天啦。到食飯嗰陣,我打開個頻道嚟睇, 點知佢都係撳返去大台,我忍唔住話:「阿媽,嗰個台多劇睇㗎!」阿媽話:「唔啦,我都係睇開呢個。」我即刻黑人問號,又話係背景音樂?真係好難捉摸呀~


「唉,等我仲簽咗成年約添!點知你唔睇,而家個個月都要蝕俾電視台啦~」我一路講一路塞舊雞入口 。佢碌大隻眼:「吓!你俾咗錢呀?痴線嘅,俾咗錢緊係睇盡佢啦!」講完之後,佢即刻轉咗台,仲大大聲警告我哋全部人:「以後淨係準睇呢個台!」


嗰日之後,我哋屋企晚晚開飯都用韓劇做background music,而唔係大台膠劇lu~


#nowTV #支持中立有heart報導plan #月費99 #電視台有好多個 #唔係個個都啱長者自己收睇 #睇電視嘅樂趣 #我討厭廣告